Greenland in Figures nutaaq saqqummerpoq

Quppersagaq nunatsinni inuiaqatigiit pillugit kisitsisinik imalik nuannerineqarluartoq tuluttullu allassimasoq aqqaneq-tallimassaanneerluni saqqummerpoq.

 

Greenland in Figures 2018-imi nutartigaq, naatsumik paasiuminartumillu Kalaallit Nunaanni inuiaqatigiit pillugit ilisarititsivoq.

 

Ukioq manna quppersagaq 40-nik quppernilik paasissutissanik nutartikkanik soorlu peqqinnermut, nunanut allanut niuernermut, takornariaqarnermut isumaginninnikkullu ikiorsiissutaasartunik imaqartoq anginerulaartunngorlugu saqqummiunneqarpoq.

 

Quppersagaq takornariarpassuarnut ukiut tamaasa Kalaallit Nunaannut tikittartunut aammalu nunanit allanit tikeraanut attaveqarfigisartakkanullu Kalaallit Nunaat pillugu paasissutissiinermut tulluarsagaavoq. Taamaattoqartillugu Greenland in Figures ullutsinni Kalaallit Nunaanni pissutsinut oqimaaqatigiissaakkamik paasissutissiinermut tulluartuuvoq.

 

Inniminniinermi nassiunnera kisiat akilerneqassaaq, taamaattoq amerlasuunik inniminniinermi Naatsorsueqqissaartarfik allaffissornikkut akiitsuummik akiligassiisinnaavoq. Quppersagaq e-mail: stat@stat.gl atorlugu imaluunniit oqarasuaatikkut +299 34 57 70 –imut sianerluni piniarneqarsinnaavoq; nassiussivissaq piniakkallu amerlassusii ilanngullugit.

 

Quppersagaq Naatsorsueqqissaartarfiup nittartagaani www.stat.gl –imi aamma pdf-filitut aaneqarsinnaavoq.

 

Annertunerusumik paasisaqarnerorusuttut paasissutissalerisunut attaveqarsinnaapput oqarasuaat +299 34 57 70 imaluunniit e-mail: stat@stat.gl atorlugu.